Fylkesnes fisk er eit lokaldrive havbruksselskap med matfiskproduksjon av laks frå Bømlo. Selskapet er i tillegg involvert i setjefiskproduksjon, slakting og forskingsarbeid.
Me treng fleire dyktige medarbeidarar og søkjer difor etter
LOKALITETSANSVARLEG MATFISKANLEGG
Me er på jakt etter ein lokalitetsansvarleg for våre anlegg i Hiskosen.
Den lokalitetsansvarlege har det overordna ansvaret for produksjonen på anlegga, i tett samarbeid med dagleg leiar.
Dei viktigaste arbeidsoppgåvene er å organisera dagleg fôring og røkt av fisk, følgja opp produksjonen på anlegget og sørga for drift og vedlikehald av anlegg og utstyr.
Me søkjer deg som har nokre års erfaring som røktar på matfiskanlegg og helst har fagutdanning innan akvakultur.
Du må ha gode samarbeidsevner og evne til å få teamet på lokaliteten til å jobba godt saman.
Av personlege eigenskapar ønskjer me at du står på, er fleksibel, strukturert og læringsvilling, og at du er ein lojal og positiv bidragsytar i arbeidslaget.
Arbeidsplass vil i hovudsak vera på lokalitet ut frå basen vår på Fylkesnes, på Bømlo, men kan variera etter produksjonen.
Spørsmål og søknad sender du til post@fylkesnesfisk.no snarast og seinast innan 15. desember. Oppstart etter avtale.
Me ser fram til å høyra frå deg!
